Граѓанската организација ГИЖ Свети Николе, на 10 јули 2019 година, одржа фокус група со невработени и вработени мажи и жени како резултат на активните мерки и услуги за вработување, жители на осум населени места од Свети Николе, на која беше дискутирано нивото на информираност на граѓаните со активните мерки и услуги за вработување, пристапот до истите, нивната корисност, степенот на задоволство, нивниот квалитет итн.
Граѓанската организација МКЦ Битола, на 10 јули 2019 година, одржа фокус група со невработени жени и жени вработени како резултат на активните мерки и услуги за вработување, жителки на две населени места од Битола, на која беше дискутирано нивото на информираност на жените со активните мерки и услуги за вработување, пристапот до истите, нивната корисност, степенот на задоволство, нивниот квалитет итн.
На 10.07.2019, во Тетово, Граѓанската организација Женски Форум одржа фокус група со невработени жени, жителки на Тетово и с. Шипковица, на која беше дискутирано нивото на информираност на жените со активните мерки и услуги за вработување и нивната корисност.
Здружението ЕСЕ е дел од шестиот по ред Самит за Отворено Владино Партнерство, на кој повеќе од 2.000 претставници на граѓански организации и Влади дискутираат за предизвиците во обезбедувањето на отвореност, транспарентност и отчетност во работењето на јавните институции и споделуваат позитивни практики кои се применуваат во моментот од различни земји во светот. Самитот се одржува во период од 28 до 31 мај, 2019 година во Отава, Канада. Здружението ЕСЕ е дел од националниот процес за Отворено Владино Партнерство од 2014 година, а пак Република Северна Македонија е дел од процесот од 2011 година.
Предизвиците кои треба да се надминат, се следните:
- доближување на процесот до граѓаните и нивно вклучување во истиот преку продлабочување на соработката помеѓу јавните институции и граѓанските организации,
- координирање на сите процеси кои се спроведуваат на национално ниво со процесот на Отворено Владино Партнерство,
- надминување на ексклузивноста во донесувањето на одлуките за владините институции, итн.
На 09.04.2019, ја спроведовме и третата едукативна работилница за запознавање со мерките, програмите и услугите за вработување за 2019 година. Овојпат со жителите на општина Битола. Истата ја спроведовме во соработка со МКЦ, Битола.