Координаторот на Програмата за јавно здравје и здравје на жените од Здружение ЕСЕ учествуваше на семинарот под наслов „Здравје на Ромите“, организиран од Фондациите Отворено општество и Американско Австриската Фондација, во периодот од 24 до 30 март во Салцбург, Австрија. На семинарот координаторот ја презентираше работата на Здружение ЕСЕ во однос на примената на методологиите на социјална отчетност и правно зајакнување со цел унапредување на здравјето на Ромите. На семинарот учество земаа повеќе од 30 учесници од земјите на Централна и Југоисточна Европа. Учесниците беа претставници од граѓански организации, меѓународни организации, универзитети, здравствени установи и останати релевантни институции.