Граѓанска иницијатива на жените на Свети Николе, во рамки на проектот „Социјална отчетност за родова еднаквост” поддржан од Европската Унија, одржа едукативни работилници (04 и 07.12.2018) и валидации (09 и 12.12.2018) со невработените жени од општината.
Работилниците се дел од активностите за мониторинг и оценување на ефикасноста, ефективноста, квалитетот и задоволството од спроведувањето на активните мерки и програми за вработување на АВРМ.
Преку истите граѓаните беа информирани за нивните права кои произлегуваат од оперативните планови од агенцијата за вработување и детално им беа образложени можностите за секоја од активните мерки, програми и услуги за вработување.
