Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во јуни 2013, во однос на мај 2013, изнесува 100.3, а во однос
на јуни 2012 изнесува 104.2. Анализирано по главни групи, според намената на потрошувачката, во јуни 2013, во однос на мај 2013, пораст на индексите е забележан во групите: Комуникации за 1.4%, Транспорт и Рекреација и култура за 0.7%, Храна и безалкохолни пијалаци за 0.5%, Облека и обувки за 0.2% и Алкохолни пијалаци, тутун за 0.1%. Намалување на индексите на трошоците на животот е забележано во групите: Ресторани и хотели за 0.9%, Останати стоки и услуги за 0.3% и Мебел, покуќнина и одржување на покуќнина за 0.2%. На ниво од претходниот месец останаа индексите на групите: Домување, вода, електрика, гас и др. горива, Здравје и Образование.
Извор: Државен завод за статистика
