Координаторот на програмата за јавно здравје на Здружение ЕСЕ е вклучен во имплементацијата на проектот ,,Girls’ Leadership Initiative for Community Empowerment" што се спроведува од страна на СИГА, а е поддржан од Германското друштво за меѓународна соработка ГИЗ, како дел од регионалниот проект ,,Социјално вклучување на ранливите групи на Западен Балкан”. Во рамките на овој проект координаторот од ЕСЕ е ангажиран како ментор на граѓански активистки од општина Пробиштип, кои треба да спроведат активности во заедницата со цел унапредување на опфатот на жените од општината со услугите од патронажната служба. Во таа насока подготвивме прашалници за жени со цел да се процени опфатот и квалитетот на услугите од страна на патронажната служба. Потоа на 29.02.2024 година од страна на координаторот на ЕСЕ беше спроведена онлајн обука за граѓанските активистки од Пробиштип за спроведување на теренско анкетирање помеѓу жените во општината.
On February 27th 2024, ESE participated in a regional online meeting organized by the Swedish Foundation Kvinna till Kvinna, as part of their regional program for support of CSOs working in the field of gender equality “EU Accession for whom? Women's rights and participation in the Western Balkans”. The aim was to facilitate the exchange of experiences among organizations and identify opportunities for joint advocacy within the process of accessing the EU.
Во февруари 2024 година, ЕСЕ како регионален координатор на активностите на COPASAH Europe мрежата, го подготви и објави второто издание на информаторот на мрежата преку кој се информира јавноста за целите и работата на мрежата и нејзините членови. Информаторот дава осврт на мисијата, визијата, структурата и работат ана COPASAH Europe во 2023 година и дава осврт на работата и постигнувањата на пет членки на мрежата што работат во Северна Македонија, Црна Гора, Романија и Албанија.
Прочитај повеќе на следниот линк: https://copasaheurope.org/wp-content/uploads/2024/02/COPASAH-Newsletter-No.2.pdf
Како ко-претседавач на Советот за координација и следење на процесот на Партнерството за отворена власт 2021-2023 година, на 22 февруари 2024 година ЕСЕ учествуваше на десеттата седница на Советот. На оваа седница активно учество земаа 8 членови и 2 заменици членови на Советот за ПОВ (претставници на органите на државната власт и граѓанските организации).
По усвојувањето на предлог-дневниот ред, беше отворена дискусија за апликацијата на Општина Кисела Вода за иницијативата Партнерство за отворена власт на локално ниво (ПОВ Локал), поддржана од младинската организација КРИК и Меѓународниот републикански институт, а за која Советот за ПОВ требаше да се произнесе дали постои ризик за угледот на ПОВ за кој ПОВ Локал треба да е информиран при разгледување на апликацијата на Општина Кисела Вода. Под ризик се подразбира дали апликантот постапил спротивно на Декларацијата за отворена влада во однос на сериозни прекршувања на интегритетот, потиснување на граѓанското учество или недостиг на отвореност и транспарентност.
На 21 февруари, 2024 година со поддршка од UN Women Europe and Asia Regional Office, а во рамки на четвртата фаза од проектот EXPO 2023, ЕСЕ учествуваше на менторска средба со Dea Viinikainen, основач и управител на Findolainen Business Hub. Предмет на дискусија на средбата беше работата и предизвиците со кои се соочува ПОГОН и можностите и потребите за равој на ПОГОН во насока на остварување на визијата и мисијата.
