Народната банка на Република Македонија објави преглед на најнови макроекономски показатели за РМ за 2013 година.
“Прегледот на тековната состојба има за цел да даде осврт на најновите макроекономски податоци (октомври-декември 2013 година) и споредба со последните макроекономски проекции (октомври 2013 година). Со тоа ќе се утврди колку тековната состојба во економијата соодветствува со очекуваните движења на варијаблите во претходниот циклус на проекции. Прегледот е фокусиран на промените на екстерните претпоставки и остварувањата кај домашните варијабли и на тоа како овие промени се одразуваат врз амбиентот за водење на монетарната политика.”
