Граѓаните континуирано се соочуваат со проблеми во пристапот до основните превентивни здравствени услуги, Министерството за здравство континуирано се соочува со проблем на обезбедување на доволно средства за спроведување на превентивните здравствени услуги, Фондот за здравствено осигурување на РМ од година во година паѓа во се поголема неликвидност и чека на помош на Владата, Фондот за пензиско и инвалидско осигурување исплаќа пензии со средства кои се обезбедуваат преку издавање на државни обврзници, а пак Министерството за финансии и Владата на РМ и понатаму спроведуваат популистички кампањи  и ги трошат парите на граѓаните за непродуктивни цели.

Накратко, за да Министерството за финансии и Владата на РМ ја спроведат планираната наградна игра, проценуваме дека ќе потрошат минимум 79.800,00 евра или 4.907.700,00 денари, за да обезбедат само една награда од листата на планирани.