Преку издавање на четири пакети државни хартии од вредност, Владата денес ќе ја задолжи државата со нови 18,8 милиони евра. Како што информираат од Министерството за финансии, планирано е да се издадат два пакета од двегодишни државни обврзници, еден пакет петгодишна обврзница и еден пакет шестмесечни државни хартии од вредност.
Веќе, в среда, државата треба да исплати вкупно 18,8 милиони евра за достасан долг.
Планирано е да се продаде двегодишна државна обврзница, без девизна клаузула во износ од 10,7 милиони евра, како и двегодишна обврзница со евроклаузула, со износ од 1,6 милиони евра.
Петгодишната државна обврзница која оди на аукција е заштитена со евроклаузула, а е во вкупен износ од 2,9 милиони евра.
Ќе се продаваат и шестмесечни државни хартии од вредност, со евроклаузула, во вкупен износ од 3,6 милиони евра.
Извор: Фактор МК