Министерството за финансии го објави месечниот извештај за извршување на Буџетот на РМ за јануари 2015 година. Според објавениот извештај во јануари државата прибрала 10.527 милиони денари на име јавни приходи, од кои 6.043 милиони денари се остварени во облик на даноци. Најмногу приходи, во месец јануари, државата остварила преку наплата на данок на додадена вредност и тоа 3.074 милиони денари или половина од вкупните даночни приходи. Во текот на истиот период потрошени се 12.730 милиони денари и остварен е дефицит во износ од 2.203 милиони денари, кој всушност претставува 12% од вкупно планираниот дефицит за 2015 година. Најмногу средства се потрошени за трансфери и тоа 8.204 милиони денари од кој 6.481 се социјални трансфери.
