Иако „трезор“ можеби повеќе упатува на место каде што се чуваат вредни работи, накит и пари – сепак, трезор во оваа смисла значи сметката преку која се одвиваат плаќањата од Буџетот на државата. Повеќе од две години, односно, од ноември 2019 година, па наваму, секому во земјава му се достапни информациите за тоа кому, колку, кога и за што државата, односно, повеќе од 1.100 државни институции платиле пари.
Овие податоци се достапни на специјалната интернет-платформа „Отворени финансии“ (https://open.finance.gov.mk) преку која може да се пребараат и најдат милиони плаќања на државните институции кон фирми, други институции и физички лица извршени во текот на последните десет години. Податоците на страницата се освежуваат и се дополнуваат секои 15 дена, односно, двапати месечно. Идејата за увид на граѓаните во плаќањата, односно, трошењата на државните институции потекна од невладиниот сектор во земјава уште во 2013 година, но таа конечно се реализираше шест години подоцна. Беа потребни неколку клучни предуслови за државата конечно да ги отвори своите трошења пред граѓаните.
Повеќе...
Студија на случај - „Отворен трезор“, односно, увид во трошењата на државата
Децентрализацијата и пренесувањето на надлежностите од национално на локално ниво значително ја зголемија одговорноста на локалните самоуправи во обезбедувањето јавни услуги и услови за живеење и ја наметнаа потребата за унапредување на нивните капацитети за самостојно располагање и управување со ресурсите и за зголемување на отчетноста и транспарентноста кон граѓаните. Недоволната комуникација и соработка со граѓаните и отсуството на механизми за нивно вклучување во процесите на донесување на одлуки, исто така, се предизвици со кои се соочуваат локалните самоуправи.
Спроведените процеси за оценување на капацитетите на општинските совети идентификуваат повеќе можни полиња за унапредување на планирањето и трошењето на јавните средства. Ова особено се однесува на препознавањето и вклучувањето во општинските буџети на потребите на: етничките заедници, жените, лицата со попреченост и други групи граѓани. На пример, лицата со физичка попреченост вообичаено се соочуваат со физички бариери и немање можност за електронско користење на услугите. Приближно 70% од веб-страниците на 11 општини, кои биле предмет на анализа, овозможуваат интеракција и се пристапни за лицата со попреченост.
Повеќе...
Добросостојбата на децата,што е основна цел на издржувањето на децата, е комплексно прашање што треба да се разгледува и истражува од повеќе гледни точки. Добро осмислените и поставени политики за издржување на децата треба да овозможат зголемување на финансиските и сите останати ресурси што треба да им се стават на располагање на децата, да овозможат да се елиминираат тешкотиите што го оневозможуваат непреченото издржување, да овозможат можности за вработување на родителите што се задолжени со издршка, да ги поддржуваат родителите што се задолжени со плаќање на издршка активно да ги извршуваат родителските обврски, како и да овозможат извршување на родителските обврски заеднички од страна на двајцата родители.
Оваа анализа се заснова на изјавите, односно искуството на еден од родителите, односно мајките на кои децата им биле доверени на чување и воспитување и укажува на повеќе прашања што заслужуваат внимание во сегашното и идното планирање на политиките за издржување на децата.
The well-being of children, which is the main goal of child support, is a complex issue that needs to be considered and explored from several points of view. Well-designed and well-established child support policies should enable the increase of financial and all other resources that should be made available to children, enable the elimination of difficulties that prevent uninterrupted support, provide employment opportunities for parents responsible for support, and support the parents who are obliged to pay support to actively perform their parental responsibilities, as well as enable the performance of parental responsibilities jointly by both parents.
This analysis is based on the statements, i.e. the experience of one of the parents, i.e. mothers to whom the care and upbringing of children have been entrusted, and points out several issues that deserve attention in the current and future planning of child support policies.
